Sommarbasaren som gjekk av stabelen i går søndag 11.07 i flott sommarvarme gav over 21.000 kr til grendalaget. Dette er det beste resultatet nokon gong. Festkomiteen gjorde flott arbeid og folk hadde ein fin ettermiddag der barna leika ute medan dei vaksne brukar lenger tid ved matbordet enn barna. Veldig mykje gevinstar var komne inn også. Fjord 1 gav reise til Bergen for 2, Middag for 2 på Knutholmen og Svelgen hotel. Møbelringen, Magne Aase  og Førde Sport gav også gevinstar. Flotte heimelaga ting viste også att i gevinstrekka som var lang.

Nokre av dei vel 80 som var på basar. I midten ein del av loddkøa. Til høgre spente loddkjøparar.

Loddselgar ar i sving. I midten trekkarane Magni og Sigfred i full fart og til høgre ein glad vinnar med rette nummer lapp.

Mykje folk var samla til jonsokfeiring på Korsnesvika i år også. Fok grilla og kosa seg. Været viste seg frå sin beste side med sol og stille. Bålet vart tent kl. 20.00 og brant framleis når det byrja å lysne av ny dag. Ungane var i full fart i fjæresteinane når dei fekk pølsene i seg i ein fart.

Arbeidet på Villevik går sin gong. Skanska har fått støypt det meste no og ferjelemmen skal monterast først i veke 26.

SFE sette opp nye pålar og linje fram til kaia i veke 24 som gjekk ut no. Så det nærmar seg at første bilen kan køyre ombord på Villevik.

I dag 17.06.10 er siste skuledag på Årebrot Skule. Elevane har laga middag og underhaldning. Avskjedgåve til lærarane har dei også laga. Elevane fekk også kvar si bok av lærarane og mange gode ord av lærarane. Rektor Gunnar Sortland sa at dei hadde hatt mange gode år på skulen og dei siste åra var det nederlandsk tilflytting som held liv i skulen. Men han vona at med den positive utviklinga det er i bygdene at her framleis kunne verte skule i mange år framover med nye lærarkrefter og under Bremanger kommune si drift.

Det vart ei følsam avslutting der kjenslene fekk sleppe til når elevar og lærarar tar farvel med kvarandre. Skulen har no halde på i 25 år og som vi veit la Flora bystyre skulen ned med 18 mot 17 røyster. Såleis vart det sagt at det minna litt om gravferd stemning, men det gode med nedlegginga denne gongen er at det skjer eit lite under og Årebrot skule står opp att frå dei døde. Bremanger skal drive skule frå hausten.

FaU gav blomster til lærarane som takk for innsatsen for elevane. Nokon har arbeid i kort tid andre i svært mange av dei 25 åra skulen har eksistert som felles skule for Årebrot, Botnane , Barekstad og Nærøyane.

10 klasse ved Svelgen skule avsluttar skuleåret med havrafting. Her er dei fotografert ved eit stopp på Firda settefisk i Botnane. På Fanøy fekk dei litt å bite i. På ein litt sur dag med synnavind og litt regn, vart dette ein frisk tur som avslutting på skuleåret. Det såg ut som dei hadde ein morosam dag, ingen som klaga. Og denne gjengen har all grunn til å unne seg litt ekstra då dei har gjort unna muntleg eksamen med snitt karakter på 5,15. Det er eit hakk over jølstringane som klarte sterke 5.00. Med andre ord ein svært sterkt prestasjon som både elvear og Svelgen skule skal ære for.